تجربتي في بناء تطبيق PDFul
من فترة وأنا أتعامل كثيراً مع ملفات PDF، سواء شغل أو استخدام شخصي، وكل مرة أحتاج أداة بسيطة تسوي لي شغلة محددة بدون تسجيل حساب، بدون إعلانات، وبدون تعقيد.
وبعض الملفات تكون خاصة أو فيها معلومات ما ودي أستخدم تطبيق يحتفظ بنسخة منها على سيرفراتهم، وهذا شيء مهم جداً.
من هنا جات فكرة تطبيق PDFul
الاسم عبارة دمج كلمة PDF وكلمة Beautiful والمقصود تطبيق PDF انيق وجميل ✨
ما كان الهدف إني أسوي “أكبر تطبيق PDF”، الهدف كان أبسط من كذا.
فكرة التطبيق
فكرة PDFul بسيطة: أدوات PDF سريعة، مباشرة، وتشتغل بدون لف ودوران، وبدون انترنت!
أغلب المواقع اللي تقدم أدوات PDF:
- يا تكون بطيئة
- يا مليانة إعلانات
- يا تجبرك تسجّل
- أو تحط قيود مزعجة
أنا كنت أبغى شيء أفتحه، أرفع الملف، أخلص، وأمشي.
إيش يميّزه عن الباقين؟
-
🚀 سرعة وبساطة
بدون خطوات غير ضرورية. -
🔒 خصوصية
ما في تسجيل، وما في تعقيد. -
🧠 واجهة واضحة
كل أداة واضحة وشغالة لغرض واحد. -
💻 يشتغل بدون انترنت
ما تحتاج تحمّل الملفات لسيرفرات مجهولة.
التطبيق مبني عشان يخدمك، مو عشان يتعبك.
الأدوات اللي داخل التطبيق
📦 دمج ملفات PDF
تقدر تجمع أكثر من ملف PDF في ملف واحد بسهولة، وتتحكم بالترتيب قبل الدمج.
✂️ تقسيم ملف PDF
لو عندك ملف كبير وتبغى تفصله لعدة ملفات، الأداة هذي تسويها لك بسرعة.
🗜️ ضغط ملفات PDF
تخفيف حجم الملف بدون ما يخرب الجودة بشكل مزعج، مفيد للإرسال أو الرفع.
🔄 تحويل الصور إلى PDF
ترفع صورك وتطلع بملف PDF مرتب، بدون برامج خارجية.
كل أداة مصممة تسوي شغلة وحدة وبشكل مباشر.
إيش ممكن أطور فيه مستقبلاً؟
فيه أفكار كثير براسي، منها:
- أدوات إضافية للتعديل على PDF
- تحسين الأداء أكثر
- دعم خصائص جديدة حسب الاستخدام الفعلي
- وربما تحليل الملفات باستخدام ذكاء صناعي محلي وبدون انترنت (إذا حسّيت لها داعي)
لكن حاليًا، الأهم عندي إن الأساس يكون ثابت ومفيد.
وش رأيك؟
إذا جربت التطبيق وحسّيت إنه فادك، هذا بحد ذاته شيء يسعدني.
وإذا عندك اقتراح أو فكرة أداة تحتاجها، تقدر تتواصل معي.
PDFul تجربة بسيطة،
وممكن تكبر مع الوقت… أو تظل بسيطة.
شكرًا لوقتك 🤍
